გორში, ცენტრალური ბიბლიოთეკის შენობაში, პოეტ გიორგი მახარობლიძის ხსოვნისადმი მიძღვნილი საღამო გაიმართა

20170218_16193018 თებერვალს, გორში, ცენტრალური ბიბლიოთეკის შენობაში, პოეტ გიორგი მახარობლიძის ხსოვნისადმი მიძღვნილი საღამო გაიმართა.

შეხვედრას ესწრებოდნენ მწერალთა კავშირის  წარმომადგენლები, პოეტის ოჯახის წევრები და მეგობრები.

შეგახსენებთ, რომ პოეტი 1960 წლის 18 თებერვალსაა დაბადებული.

გთავაზობთ მის ერთ-ერთ პოპულარულ ლექსს, რომელიც თავის დროზე შეყვარებულისთვის მიუძღვნია: 

***

მე უშენობის მწარე სევდას გულში ვინახავ,

შენთვის უცნობი და ერთგული ვრჩები ბოლომდე,

რომ ამდენ ლამაზ ქალიშვილში მე შენ მიყვარხარ,

უფლება არ გაქვს, ოდნავ მაინც რომ არ მოგწონდე!

გამინაწყენდნენ მე ფურცლები, ლექსებუხლები,

მხოლოდ ლექსებში და ფიქრებში როგორ გეძიო?

შენი თითებით, შენი თმებით, შენი მუხლებით

უნდა სიცოცხლე სამოთხეში შემაძლებინო.

ტუჩდახეთქილი მიღიმიან ბროწეულები,

ეს მერამდენედ სევდის ბაღში ღამეს ვათენებ

და ვარსკვლავები, შენს თვალებში მომწყვდეულები,

ჰგვანან პატარა, მოციმციმე ციცინათელებს.

გულმა ფიქრები შავ ღრუბლებში ჩუმად აზიდა

და ფრთხილად ვზომავ გადმოსადგმელ შენკენ ნაბიჯებს

და წვიმს ქუჩაში ისე ნაზად, ისე ფაქიზად,

რომ შეიძლება მონატრებით კაცი გაგიჟდეს.

ვინ გამოუშვა გარეთ წვიმა ასე ტიტველა,

ხომ შეიძლება, გაცივდეს და ვეღარ ვუშველოთ?

დატოვოს სევდა სულ პატარა, პაწაწკინტელა,

მერე თავსხმებმა ჩამიარონ გვერდით უშენოდ.

შენზე ოცნებას შევინახავ, როგორც დიდმარხვას.

ხვალ ცისარტყელა ჩემს სიმართლეს, დაე, მოწმობდეს –

რომ  ამდენ ლამაზ ქალიშვილში მე შენ მიყვარხარ,

რა უფლება გაქვს, ოდნავ მაინც რომ არ მოგწონდე?!

Advertisements

კომენტარის დატოვება

Fill in your details below or click an icon to log in:

WordPress.com Logo

You are commenting using your WordPress.com account. Log Out /  შეცვლა )

Google+ photo

You are commenting using your Google+ account. Log Out /  შეცვლა )

Twitter picture

You are commenting using your Twitter account. Log Out /  შეცვლა )

Facebook photo

You are commenting using your Facebook account. Log Out /  შეცვლა )

Connecting to %s